Вселенски ангели

Паул е чувствителен младич со уметничка душа. Откако неговата девојка ќе го откачи, тој ќе полуди. Буквално ќе полуди. И можеби е нормално да се полуди за љубов и од неверство. Додека се губи некаде помеѓу разумот и срцето и полека тоне во депресијата, неговото семејство ќе го однесе во душевна болница. Пали е еден човек кој што е само малку налудничав. Или можеби, поинаков од другите. Несфатен.

Иако овој роман ги опишува сите горчини на судбината на Паул, има и урнебесни ситуации, прикажани со извонреден хумор. Трагичен и комичен, фантастичен и вистински, романот „Вселенски ангели“ заслужено го импресионираше светот и го доби епитетот исландски класик. Всушност ова е една од најпродаваните книги во историјата на Исланд. Романот е преведен на 33 јазици и филмуван, а во 1995 година ја доби првата награда на Нордискиот совет за книжевност.