Епски народни песни
100 ден
Стремежите на еден народ со сопствена борба и жртви да ги изборат своите национални и социјални права и слободи се овековечени во епските народни песни. Покрај високите естетски вредности, тие низ конкретно бележење на историските времиња, настани и личности создаваат една своевидна, неповторлива историја за традицијата, борбата и непокорот. Епското фолклорно творештво опфаќа голем број разновидни народни умотворби, при што епските песни главно се одликуваат со раскажувачко – музикална форма. Инаку, епската народна поезија содржи: митолошки, легендарни, јуначки и други творби, создадени најчесто во епската поетска форма, додека некои песни се испеани и во епско – лирска или лирска форма. Борбените народни песни имаат четири циклуси: јуначки песни, ајдутски песни, комитски (револуционерни) песни и песни за Народноослободителната војна. Сите тие се неповторливи примери како се сака и како се брани татковината.
