Срамота

Срамота е роман што тешко се заборава. Вознемирувачката приказна за тричлената банда што ја силува ќерката на посрамотениот професор и книжевник Дејвид Лури останува длабоко врежана во сеќавањето на читателот, речиси како физичка рана. Овој мајсторски приказ за приватното и јавното посрамотување и каење, претставено низ духовното и физичкото патешествие на контроверзниот Лури, има и политички и интимен карактер.

Ова исклучително, повеќеслојно, комплексно, стилски и јазично беспрекорно книжевно дело е добитник на „Букеровата награда“ во 1999 г. Со тоа Куци станува прв писател што ја добил оваа награда двапати. Куци во 2003 г. ја добива и Нобеловата награда.

„На Куциевото познавање на книжевната техника му нема рамен, неговата сериозност е непобитна, тој е еден од интелектуално најпрефинетите романсиери што пишуваат денес.“

Вашингтон пост