МИСТЕРИЈАТА ВО СТАЈЛС

Првиот роман на Агата Кристи, Мистериозната афера во Стајлс, беше резултат на смелоста на нејзината сестра Меџ која ја предизвика да напише приказна. Приказната започнува кога Хестингс е вратен во Англија од Првата светска војна поради повреда и е поканет да го помине своето боледување во прекрасниот Стајлс Корт од неговиот стар пријател Џон Кевендиш. Овде, Хестингс ја запознава маќеата на Џон, г-ѓа Инглеторп, и нејзиниот нов сопруг, Алфред.

И покрај мирното опкружување Хестингс почнува да сфаќа дека нешто не е во ред. Кога г-ѓа Инглеторп е пронајдена отруена, сомнежот паѓа врз семејството, а друг стар пријател, Херкул Поаро, е поканет да истражи.

Имагинацијата е добар слуга, а лош господар. Наједноставното објаснување е секогаш најверојатно.
Херкул Поаро

Иако ова е можеби првата објавена книга на госпоѓицата Агата Кристи, таа ја навестува итрината на исклучителен автор.
The New York Times Book Review