НА ДНОТО И ОТФРЛЕН ВО ПАРИЗ И ЛОНДОН

Првото објавено дело на Џорџ Орвел, На дното и отфрлен во Париз и Лондон, е живописна и сензитивна слика на животот во состојба на потполна беда, протест против доминацијата на еден човек врз друг и возбудливо сведоштво за едно време и за луѓето со кои ја делел судбината на животот на дното. Напишана во неговите дваесетти години, кога сè уште се борел да успее како писател и кога првпат се сретнал со сиромаштијата, oвде тој макотрпно го опишува светот на сиромашните квартови во Париз, места на коишто се собираат екцентрични луѓе – луѓе коишто западнале во осаменички полулуд животен калап, и се откажале од идејата да бидат нормални и пристојни. Откривајќи им на своите читатели шокантен и скриен свет, Орвел за првпат го претстави човекот, наспроти безличната слика за сиромаштијата, упатувајќи на тоа дека луѓето од дното на општественото скалило не се таму по свој избор, или поради неспособност, туку поради лошата општествена организација, којашто спречува секаква промена кон подобро