ПАКЕТ КНИГИ – ДНЕВНИК И МИТАРСТВА

Јас да сум старец – духовник – на оној кој сака да оди во манастир, би му ги рекол, онака грубо, следниве работи:
– пронајди работа, ако е можно некоја едноставна, и која не е баш креативна (пр.службеник во банка);
– додека работиш, моли се и барај внатрешен мир; не се лути; не мисли на себе (на своите права, на праведен третман). Прифати го секого (колегите, клиентите) како некој кој ти е испратен; моли се за нив;
– после плаќањето на скромниот стан и храна, дај им ги парите на сиромашните, по можност на поединци, а не на некоја организација;
– секогаш оди во иста црква и обиди се да бидеш од помош, не така што ќе држиш предавања за духовниот живот или за иконите, не така што некого на нешто ќе го поучуваш, туку со „крпата по прашината“ (Св. Серафим Саровски). Биди во таква служба и потполно послушен на парохискиот свештеник во црквата;
– немој на другите да им сe наметнуваш себеси и својата служба; не биди тажен зашто твоите дарови не се искористени на вистински начин; биди од помош; служи таму каде што си потребен, а не таму каде што мислиш дека си потребен;
– читај и учи колку што можеш; немој да читаш само монашка литература, туку и поинаква;
– ако пријателите и познаниците те повикуваат бидејќи сте блиски – појди кај нив; но со мерка и не премногу често. Никогаш не останувај кај нив повеќе од час и половина или два. После тоа дури и најпријателската атмосфера станува штетна;
– облекувај се како и другите, но скромно и без видливи знаци на духовен живот;
– секогаш биди едноставен, лесен и радосен. Не ги поучувај другите. Избегнувај како чума каков било „духовен“ разговор и какво било религиозно или црковно расприкажување. Ако така правиш, тоа ќе биде за твое добро;
– немој да трагаш по старец или духовник. Ако ти биде потребен, Бог ќе ти го испрати и тоа тогаш кога тој ќе ти биде потребен;
– откако така ќе служиш и работиш десет години – не помалку – прашај го Бога дали и понатаму треба да живееш на тој начин или треба нешто да менуваш. И чекај одговор: ќе дојде; одговорот ќе биде „радост и мир во Светиот Дух“.
🏷 СЕ Е НЕКАДЕНА ДРУГО МЕСТО – 799 ден✔
🏷 МИТАРСТВА – 149 ден✔
🏷 ПАКЕТ – 840 ден✔
за нарачки:
📩 инбокс
📲078222189